In dialetto veneto, il racconto di mio cognato Alessio
Io personalmente ho un vago ricordo anche di una giostra in Piazza, verso lato ex cinema, ero piccolissima e pure di giostrine nel cortile delle ex scuole elementari...poi giù sotto il patronato, sì... Che bei ricordi da ragazza! Grazie, Alessio!
La Sagra del Rosario (1° domenica di ottobre)
Fin da bòcia la gò sempre vista: ‘sti ani Grande, ancò un fià manco, ma sempre del “Rosario”.
Sempre la prima domenica di ottobre.
E, siccome le scuole s-cuminsiàvano el dì de San Remigio, anca i Tuxi e le Toxe si trovavano , ben vestii , per la prima volta, dopo le vacanse de l’istà: ala Sagra del Rosario.
In Piassa, nei dì prima, i stradini del Comune verxèva un posséto , messo lì aposta, da sempre, e con cugni di legno tuto intorno i alsava el palo dela cucagna: smerdandolo de grasso fin su in sima, parché si slissigasse tanto! Dopo mexodì, dela domenega, si metteva in un cerchiòn, in sima al palo, tutti i premi da tirar xò: un par de galìne con la testa in xò, un par de fiaschi de vin, salami e sopresse. ‘Na volta, me pare, anca ‘na gabia con un par de sambèi: che ormai xèra anca tempo de caccia a caxòto!
La domenica , presto, si metèva davanti alla Botèga di Luxèrna el bancheto dei “balonsìni“ che, gonfià de elio, restàvano tegnesti fermi da un peso de piombo, che ligàva i spaghi perchè non i volasse in cielo, sensa essere vendesti.
Vissin il banchèto dei balonsìni ghe xèra el banchetto con il calièro del zucchero filato. I boce piccoli si impastrociavano man e facia magnàndolo.
Sora i scalini del Comune, ‘pena davanti le Poste i metèva el grande tabelòn de legno verde de la tombola, che ghe someiàva ala lavagna de scola, ma pì grande, che se vedeva i numeri anca da in fondo la piassa. I numeri dela tombola vegnèva cavà ale nove de sera, dixèva i manifesti dela Sagra, ma in realtà la tombola s-cuminsiàva solo quando che tute le cartele xèra sta vendeste.
Xà penà fora dale ore de messa ghe xèra Omini e Done che passava par le Ostarie e la Piassa a vendere cartelle e , chi una, chi de più, Tutti comprava cartelle dela tombola: cinquesentofranchi ‘l’una. Terno, quaterna e cinquina valevano già ‘bastànsa: ma la tombola valeva sentomilafranchi. ‘Na quindexìna. El tombolìn vintimila.
I Boce ‘ndavano Messadelfanciullo, alle oto e mèxa. Don Eugenio, alla predica, spiegava della Battaglia di Lepànto, che dopo hanno inventà la Festa del Rosario.
A Messaultima, alle dieciemexa, ‘ndavano i omeni e le Done che non stavano cuxìnando casa ( io ‘ndavo perché ero mòcolo): in quella Messa, piena di gente e cantata, il Prete ciapàva tante offerte per la Madonna del Rosario, che era sul suo bel baldachìn de legno, tinto finto oro, ed era contento e predicava che alle tre era quasi obbligatorio ‘ndare in Procession fin ala Cappella del Voto alla Madonna.
Intanto una Giovine Infermiera, che era la responsabile, in sala del cinema del Patronato, già dalla mattina, apriva la pesca (di beneficienza). Sistemava, su una tola, da ‘na parte della gradinata dei premi della pesca, un bussolotto grande, come quello che in latteria doparavano per fare il burro; lo paràva ‘torno con una manovella, apriva la portelèta e dava i bigliettini, arrotolati come le cartine delle sigarette e tegnèsti sarà da un astichèto giallo, a chi li aveva comprati: a cento franchi l’un.
Fin la sera, dopo Messa Vespertina e fin quasi la fine dela tombola, i più fortunati pescavano numeri alti, che davano premi piccoli. Tante le serie e in questi biglietti era scritto: Roma, Venezia, Firenze, Genova. La gente al posto di prendere i premi delle serie, che erano o stupidàde di plastica o fruttini o caramelle, buttavano i biglietti per terra, dal nervoso. I boce, svelti, li tolevàno sù e andavano a reclamare i premi dalla Giovine Infermiera. Lei però guardava, quasi rabià i boce che’ndavano via, con le massèle a volte rosse dala vergogna per aver provà ciavàre la Giovine Infermiera.
La Procesiòn partiva dala Chiesa: davanti Un Mocòlo con una Croce, che doveva andare piano e poi i omeni, dopo el Prete con i mòcoli, dopo la Madona sora el baldachin tegnesto su da oto omeni, dopo le Done. Ogni tanto Don Antonio sussurrava al Mòcolo con la Croce “ ‘Vanti co’l Cristo che la Procession se ingruma”. Se rivava, xò per il Campo dei Lanaro, fin davanti la Cappella Votiva e tanti magnàva la ua che ghe xèra ancora sulle vixèle dei filari del campo.
‘N’altra Predica con le Orassiòn e le Litanie e dopo se tornava indrìo. Poca gente ‘rivava in cexa: tanti se fermava in piassa, par ‘ndare alla pesca o da Nardi a tore ‘na spumiglia e bevàre na tassa.
Nel campo sportivo c’erano le giostre: “ I scuntri” , le “careghète” per i grandi e i picoli: che la coa te la ciapàvi solo se el giostràro te la sbassava, aposta par ti, e solo se te compravi tanti biglietti.
Ghe xèra anca el gioco che bisognava darghe un pugno a un balòn e te vegneva fora scritto se te xèri forte come un toro, un leòn o ercole. Ma anca manco.
Una barachèta gavèva dentro una giostrara giovane e prosperosa che ti dava un fucile, come un flobèr, per fare s-cioppare i palloncini che giravano intorno e se eri bravo vincevi un premio: un peluche, o una simmietta o una bamboletta, anca una butiglia di spumante.
Se nel campo sportivo c’era molto paltàn: mettevano come delle passerelle, delle tole di legno: come Venessia.
S-cuminsiava el scuro presto, verso le sie de sera, che l’ora legale non era ancora stata inventata e le Putèle più Bele, parevano farlo apposta, si facevano compagnare da Amichette, di solito Brutarèle: così parevano ancora più Graziose. I boce da “tredàxe quatòrdaxe” ani del Paese cominciavano a vedere le loro compagne di sempre ‘ndare via con tuxi, anca foresti e più grandi: cosa sucedeva, cambiava el nostro mondo?
Una, Mora, un Spetàcolo , che mi piaxèva tanto, non mi cagàva gnanca ‘na s-cianta e si imboscava su par la strada delle Elementari con uno, che mi pareva brutarèlo, mai capìo parchè! Col Passar del tempo anca mi ho compièsto sedàxe ani e me son rifàto, anca con Toxatèle foreste; anca da Thiene, che gavèva parenti qua.
Intanto la Giovine Infermiera teneva la scena, alla Pesca di beneficenza. Piena di gente la sala del cinema , in fila per comprare i numeri. Qualche premio bello ‘ndava via e era come un incentivo, per tanti, a comprare ancora i biglietti, che i numeri buoni erano dentro il bussolotto, di sicuro.
Verso le nove di sera rivàva alla Pesca la “Finansa”, ma tutto era sempre in regola, anca se a vincere i premi buoni erano sempre i stessi.
Ma la pesca era di beneficenza e ‘ndava ben istesso.
Alle undàxe de sera s-cioccavano forte e belli i fughi sul cielo, sora la Piassa. In ultima: un botto forte. Le strade erano scure, sensa luce dei lampioni. Si ‘ndava casa la sera tardi, la notte della Sagra Rosario, quando “ I Tuxi rocolava le Putèle e Tute xèra Bele!
(Cit. De Marzi- La Sagra)
Nono Lessio da Lugo.
22 Settembre 2022, che fra poco xè Rosario
Tra i vari espositori di quest'anno figuro pure io!
