"TANTO TEMPO FA (100 ANNI), A LUGO GHE GERA EL CAMPANILE"....VERSIONE ORIGINALE DEL RACCONTO, GIA' POSTATO IN ITALIANO, DI MIO CUGINO BRUNO

VEDI IMMAGINE  DI LUGO DI VICENZA, SOTTO,  CON IL SUO CAMPANILE ATTUALE MAI ULTIMATO TRATTA DA UNA CARTOLINA SPEDITA AL MIO FIDANZATO (DIVENUTO POI MIO MARITO) DAL MIO BEL PAESE D'ORIGINE, LUGO DI VICENZA (ho inserito io la scritta -  "campanile")  ....E L'ILLUSTRAZIONE DEL LIBRO DI DELLAI DOVE SI NOTANO SIA IL VECCHIO CAMPANILE CHE LA VECCHIA CHIESA ABBATTUTI....

AVEVO GIA' LIBERAMENTE TRADOTTO DAL DIALETTO VICENTINO IL RACCONTO SPASSOSISSIMO DI BRUNO - VEDI NEL POST :

http://ariannadisegnadipingecrea.blogspot.it/2014/01/la-storia-del-campanile-di-lugo-di.html


ORA PERO' LA VERSIONE ORIGINALE DI MIO CUGINO BRUNO:

...No voria parlar de quelo ca go xa dito 20 giorni fa ma sta cosa del campanile de Lugo a mi e ai me paesani la me sta sul gosso.

Sa tornasse indrio no parlaria pì de sto problema anca parchè qualcun del me paese el ga tacà a vardarme storto e a no saludarme.

I me ga dito ca doveo tasere e tegnere l'onore in casa, tanto nessun se acorzea del campanile che no ghe xè.

Adeso me spetto solo vegner ciamà dal sindaco e dall'arciprete.

Speremo ben.

Quando le ciaciare le gavarà ciapà pie, i foresti coa scusa de visitare le ville palladiane, i vegnerà a Lugo a vedare "EL CAMPANILE CHE NON C'E'".

Me imagino la procesion de curiosi su e xò par la strada dea Cesa.

Questo par motivi de turismo podaria esere un ben.

Me xe sta dito che 80 anni fa i gavea comisià a costruirlo ma ghe xè sta na disgrasia, na secia de malta la xe cascà soa testa a un muradore e ghe xe stà el morto.

Adeso podarì dirme che tanta anni de lutto i xè abastansa par andare avanti coi lavori...però xe ancora tutto fermo.
Quando ca sento dire de na coppia (donna alta e omo basso), che la Cesa la xè pì alta del campanile, mi penso subito a Lugo e me vien na rabbia ca no ve digo.
No gavemo el campanile...ma el cimitero comodo, el confina coa Cesa.

El defunto, dopo messa, nol fa in tempo a dire n'Ave Maria chel xè xà sotto terra, a diferenza de quasi tutti i paesi intorno.

Mo me piaxe parlar de ste robe, se ghe xè qualcun de superstisiozo, el poe tocar ferro, le gambe dee careghe o quel chel voe, sensa farse vedere (i omini).

Par ste robe, meio tardi che mai, ma forse meio tardi e basta.

Par dire, Matusalemme el xè scampà 900 anni e...savio come chel xè morto? I lo ga copà par ereditare, ohh ...nol moriva mai.

Ghe xè poco da ridere, sempre de omicidio se tratta.

Ma adesso tornemo al campanile.
Un me amico, ca no fasso el nome ma chel se ciama Ugo, el me ga ditto,che par problemi de bilancio, un paesetto dell'Alto Adige, el vende el campanile.
Par el trasporto i pensa luri.

No so se i me lo portaria xò in pie o buttà, tutto intiero o a tochi.

I Tedeschi de sicuro i sa come fare.

Sentarò el sindaco e l'arciprete cosa che i pensa, anca par la spesa.

Da parte mia, se l'affare va in porto, passarò casa par casa, anca qua all'Università (degli anziani...a Breganze) a fare la QUESTUA.

A GO FINIO COL CAMPANILE, GERA ORA!!!!

Prof. Pellegrini, come i altri anni la ringrasio a nome de tutti e speremo de vederse qua all'Università stano che vien ma anca prima, magari col campanile de Lugo in pie.

GRASIE ANCORA.

EL BAGOLON

Bruno Marangonzin